Stal de Ontginning ( Diepman )

Soms kom ie aens woarvan aj denkt, det ken ik weh. Nou niet dus, Stal de Ontgining an de Hessenweg woar ik onlaangs op bezuuk ware. Heb mien oogn uut ekeekn en de oorn flappern mej an de kop. Stefan Diepman, de eigenaar, ras Old Luusenaar en geboorn en getoogn an de Hessenweg, ontving mej en leidn mej rond.

Sinds 2004 bunt ze op disse maniere bezig bej Diepman. Vrögger kwam ik as jochie van 18 joar doar melk moonster nemm, maar Koe’jn hebt ze nie meer. Nee, dr loopt weh 200 Peerdn, groot en klein. In groepn van 25 stoat ze snachens in de stal bej menare. Gezellig toch weh ?
Disse Peerdn bunt van klanten uut de hele wereld en dan proat ie echt över Australië, Amerika, Azië en numm maar op. Bunt heel völle Merrie’s met veulens. Bunt die Peerdn eignlijk meertalig?

Wat Stefan dus eignlijk dut, is ut drachtig maakn, de geboorte en de opfok van veulenties. Disse veulenties blieft doar tot ze 4 joar bunt. Stefan mak de Merrie’s dus vake zelf drachtig en dan bedeul ik met kunstmatige inseminatie van een donor Hengst, De Hengst wurd soms deur de klant uut ekeuzen maar soms gef Stefan ok advies an de klant.

Stefan hef allerlei apperatuur woar met hej de zwangerschap van ut Peerd in de gaatn kan holdn. Giet nie gauw mis, bej hum. Hej heff ok apperatuur om de bevalling in de gaatn te holdn en zurgt dr veur dat het veulentie met 4 bien op de grond stiet noa de geboorte. Afgeloopn joar bunt dr 30 veulenties geboorn mar dr is plekke veur 25 Hengst en 25 Merrie Veulenties. Hengst veulenties wurd vake ecastreerd, ( de Balln snied ze dr dan öff ) snappe nie dat zo’n veulentie dah wil maar ie mut dr wat veur över hem umme de top te bereikn. Noa ongeveer 3,5 joar is ut veulentie riepe veur de volgnde stap in zien leavn.

Dan komt Albert en Lobke ut hokke in.

Wurd dus vervolgd.

Groetn Gruune Jopie