Meert , dialectmoand

Heerlijk disse Moand , lekker bettie
stukkies produceren veur o.m. Dalfsennet en
ik merke dat het heel goed bekeken wurd . Ik mutte
steeds uutleg geem an lui die mej anhölt op stroate.
Wat hej noe weer veur stukkie ? Wat een onzin of
goed daj dr över begunt. Ik had ut altied ah willn
zeggn . Völle mensn hebt weh een mening onder vier
oogn mar zo gauw ast dr meer mensn bej bunt ,
schreeuwt ze minder hard.
Ik probere altied een bettie humor , Jopie humor , dr
in te stoppn. Ik heb mien eign dialect regelties die min
of meer mien gewoonte van sprekkn is.
Mooie is det ik dr soms Nejluusn’s deur henn sprekke ,
kump deur det mien Moe uut Nejluusn kwaamp en heur
familie ok dialect pröt.
Dialect is eignlijk een taalgebruuk van een groep mensn
uut een durpie , streek of stad. Doar bunt gin exacte
reegels veur en de taal beweegt , wil zeggn ut
veraandert in de tied. Jeugd pröt ok weer aans dan
olde luu. Jeugd heff soms een eigen Playstation
dialect .Dr bunt mensn die vind dialect een teekn van
dom en achtergebleem nivo . Nou inteegdeel , iemand
die meertalig is bezit over een hoger IQ dan mensn die
ut bej iene taal holt.
Dr bunt complete studieclubs över en ik bun ah
meermaaln op de vingers etikt det ik mien dialect nie
goed opschrieve. Niks met te maakn, zeg ik dan.
Tis mien dialect en ie hoeft ut nie te lêazn. Hahaha
maar gelukkig wurd ut heel goed elêazn en krieg ik ok
över mien stukkies hier goeie commentaarn.
Mooie is det ik vaak te heurn kriege , hej Jopie , ie mut
doar is wat över schriem! Hele leuke ideeën hebt de
luu. Mar zelf een stukkie schriem is toch veur völle luu
een drempel woar ze nie över henn durft.
As jochie had ik ah een zwak veur öns dialect. Is heel
erg versterkt deur popgroep Normaal . Ik wis nie wat
ik heurn op de radio ” Hels as een jachthond en ies kan
lien “, zungn ze . Eem laatr gevolgd deur “Oerend hard”
Boeren en Plattelanders verenigd u , was een gehoorde
tekst .
Doar is veur mej de liefde veur ut dialect versterkt.
Heerlijk Meert , dialectmoand.
Groetn Gruune Jopie